கடல் நண்டு கிரேவி எப்படி செய்வது தெரியுமா?

நண்டு குழம்பின் ருசியும் அலாதியான ஒன்று. ஆனால், நண்டு குழம்பு வைப்பது என்பதும் சிலருக்கு கைவந்த கலைதான். அதிலும் கடல் நண்டு குழம்பு அற்புதமான சுவையுடன் இருக்கும். இங்கே கடல்நண்டு கிரேவி எப்படி வைப்பது என்று சொல்லித் தருகின்றனர். வீடியோ நன்றி My Country Foods

இறால் பிரியாணி எப்படி செய்வது என்று தெரியுமா?

பிரியாணியில் சேர்க்கப்படும் இறைச்சியைப் பொருத்து அதன் பெயரும் மாறுபடுகிறது. வழக்கமாக நாம் சிக்கன் பிரியாணி, மட்டன் பிரியாணி, முட்டை பிரியாணி என்றே சாப்பிட்டிருப்போம். வழக்கமாக மீன் உணவுகளைக் கொண்டு அவ்வளவாக யாரும்பிரியாணி செய்வதில்லை. ஆனால், இறால் உணவு அதிகமாக சாப்பிடும் பழக்கம் வந்தபிறகு, இறால் பிரியாணியும் சமைக்கும் பழக்கமும், அதனை உண்ணும் பழக்கமும் அதிகரித்திருக்கிறது. அதிலும் இறால் மீனை கடலில் பிடித்து வந்த சூட்டோடு பிரியாணி சமைத்து சாப்பிடுவது மிகவும் ருசியாகவும், புதுமையான அனுபவமாகவும் இருக்கும். இங்கே வீடியோவில் இறால் பிடித்து வரும் மீனவர், அதனை உடனே பிரியாணியாக சமைத்து அசத்துகிறார் பாருங்கள. வீடியோ நன்றி; உங்கள் மீனவன் மூக்கையூர்

அயிலைமீன் வறுவல் செய்வது எப்படி?

மீன் உணவுகள் எல்லாமே ருசி மிகுந்தவைதாம். ஆட்டிறைச்சி, கோழி இறைச்சி ஆகியவற்றை விடவும் மீன் உணவில் அதிக சத்துகள் உள்ளன. இதய நோய் உள்ளவர்கள் கூட மீன் உணவு சாப்பிடலாம் என்று மருத்துவர்கள் பரிந்துரைக்கின்றனர். மீன் உணவு உண்பது மிகவும் ஆரோக்கியமானது. இங்கே வீடியோவில் அயிலை மீன் வறுவல் செய்கின்றனர். வீடியோ நன்றி; நாகை மீனவன்

நெத்திலி கருவாடு குழம்பு சாப்பிட்டு இருக்கிறீர்களா?

மீனை இயற்கையாக காயவைத்து பக்குவப்படுத்தி கடுவாடாக மாற்றப்படுகிறது. கருவாடும் ஒரு சுவை மிகுந்த உணவாகவே பாரம்பரியமாக உண்ணப்பட்டு வருகிறது. மீன்களில் எத்தனை வகை உண்டோ கருவாட்டிலும் அத்தனை வகை இருக்கிறது. நெத்திலி மீன் குழம்பே அலாதி ருசியாக இருக்கும். நெத்திலி கருவாடு குழம்பும் இன்னும் ருசியாக இருக்கும். இங்கே வீடியோவில் நெத்திலி மீன் கருவாடு செய்வது குறித்து விளக்குகின்றனர். வீடியோ நன்றி; Kovai Food Square

ராகுல் காந்தியின் தமிழக சமையல் அனுபவம்...

அகில இந்திய காங்கிரஸ் கட்சியின் முன்னாள் தலைவர் ராகுல் காந்தி அண்மையில் தமிழகத்தில் தேர்தல் பிரசாரத்துக்கு வருகை தந்தார். அப்போது கரூரில் அவர் பிரசாரம் மேற்கொண்டார். அப்போது கரூர் எம்.பி., ஜோதிமணியின் ஏற்பாட்டின் பேரில் வில்லேஜ் குக்கிங் யூ டியூப் வீடியோ சேனலின் சமையல் குழுவில் பங்கேற்று காளான் பிரியாணி சமைக்கப்படுவதை பார்வையிட்டார். பின்னர் திடீரென களமிறங்கி பிரியாணிக்கான வெங்காய ரைத்தாவை தயாரித்து அசத்தினார். சமையல் குழுவுடன் ஆங்கிலத்திலும் தமிழிலும் அவர் உரையாடினார். இங்கே அந்த வீடியோவை நீங்கள் முழுமையாகப் பார்க்கலாம். வீடியோ நன்றி ; Village Cooking Channel

வெண்டைக்காய் மண்டி செய்வது எப்படி என்று தெரியுமா?

வெண்டைக்காயில் நார்சத்து அதிகம் உள்ளது. குடல் இயக்கங்கள் சீராக நடைபெற உதவுகிறது. மலச்சிக்கல், வாயுத் தொந்தரவுகள் உள்ளிட்ட ஜீரண பிரச்னைகள் தீர வெண்டைக்காய் உதவுகிறது. உடலில் உள்ள அதிகப்படியான கொழுப்பினை அகற்றவும் வெண்டை உதவுகிறது. இத்தகைய சத்துகள் நிறைந்த வெண்டைக்காயை வெண்டைக்காய் மண்டி என வைத்து சாப்பிடலாம். வெண்டைக்காய் மண்டி என்பது செட்டிநாட்டின் உணவு முறை. சாத வகைகளுக்கு சைட் டிஷ் ஆக சாப்பிடலாம் அல்லது வெண்டைக்காய் மண்டியை சோற்றில் போட்டும் பிசைந்து சாப்பிடலாம். சுவையான செட்டிநாட்டு ரெசிபியை செய்து காட்டுபவர், ஆரோக்கிய சுவை இணையதளத்தின் ஆசிரியர்பா.கனீஸ்வரி.

கோதுமை அல்வா செய்வது எப்படின்னு தெரியுமா?

இனிப்பு வகைகளில் அல்வாவுக்கு என்றுமே தனி இடம் உண்டு. அதில் கோதுமை அல்வா என்றால் இன்னும் கூடுதல் சுவைதான். மாலை நேரத்தில் குழந்தைகளுக்கு தின்பண்டங்களுக்குப் பதில் உங்கள் வீட்டில் இருக்கும் கோதுமை மாவைக் கொண்டு கோதுமை அல்வா செய்யலாம். இங்கே வீடியோவில் கோதுமை அல்வா எளிமையாக செய்வது பற்றி வீடியோவில் விளக்கம் அளிக்கப்படுகிறது. வீடியோ நன்றி; kurinji. com

அவல் லட்டு, அவல் வடை செய்வது எப்படின்னு தெரியுமா?

அவல் ஒரு சத்துமிக்க உணவு. அவலில் நார் சத்து நிறைய உள்ளது. அவலை வெறுமனே தண்ணீரில் ஒரு மணி நேரம் ஊற வைத்து, அதில் தேங்காய் துருவி போட்டு, நாட்டு சர்க்கரை சேர்த்து சாப்பிட்டால் அருமையான சுவையோடு ஆரோக்கியமான உணவாகவும் இருக்கும். இங்கே அவல் லட்டு, அவல் வடை செய்வது பற்றி இந்த வீடியோவில் விளக்கம் அளிக்கின்றனர். வீடியோ நன்றி; Pebbles Tamil

ஐதராபாத் முட்டை மசாலா கிரேவி செய்து பாருங்கள்

இந்தியாவில் ஒவ்வொரு நகருக்கும் ஒவ்வொரு இடத்துக்கும் தகுந்தவாறு உணவு வகைகள் உள்ளன. இந்திய பாரம்பர்யத்தில் உணவுக்கு என தனிச்சிறப்பான இடம் உண்டு. தென்னிந்திய உணவு வகைகளுக்கு என்று இந்தியாவில் உணவு ரசிகர்கள் உள்ளனர். மசாலாப் பொருட்களுடன் அறுசுவை உணவுகள் தென்னிந்தியாவைத் தவிர வேறு எங்கும் கிடைக்காது. அதிலும் ஆந்திரா உணவு என்றால் கேட்கவே வேண்டியதில்லை. காரம், சுவை இரண்டிலும் அலாதி ருசி கொண்டது ஆந்திர உணவுகள். இந்த வீடியோவில் ஐதராபாத் முட்டை மசாலா கிரேவி செய்வது குறித்து விளக்குகின்றனர். இந்த கிரேவியை புரோட்டா, சப்பாத்திக்கு தொட்டுக்கொள்ளலாம். அருமையாக இருக்கும். வீடியோ நன்றி; Food Area Tamil

மட்டன் சுக்கா எப்படி செய்வது?

ஆட்டிறைச்சியில் குழம்பு, பிரியாணி, கிரேவி, வறுவல் என்று வித்தியாசமான மெனுக்களை செய்து சாப்பிடலாம். ஆட்டிறைச்சி எலும்பில் கூட சூப் வைக்கலாம். எலும்பு குழம்பு வைத்து சாப்பிடலாம். ஆட்டு ரத்தத த்தை கொண்டு வறுவல் செய்து சாப்பிடலாம். ஆட்டிறைச்சியை சுக்காவாக செய்தும் சாப்பிடலாம். கைப்பக்குவத்தோடு சுக்கா செய்தால் சுவை நேர்த்தியாக இருக்கும். மட்டன் சுக்கா செய்வது குறித்து இந்த வீடியோவில் விளக்கப்படுகிறது. வீடியோ நன்றி; Relax Recipes

ராகி களி எப்படி செய்வது என்று தெரியுமா?

சிறுதானியங்களில் ராகிக்கு என்று சிறந்த இடம் உண்டு. ஆரோக்கியமான பல சத்துகள் கொண்டது ராகி. ராகியை மாவாக அரைத்து அதனை பல வகைகளில் உணவாகப் பயன்படுத்தலாம். ராகி தோசை, ராகி அடை என்று விதவிதமான ஆரோக்கியமான உணவு வகைகளை ராகியில் செய்யலாம். இன்னொரு ஆரோக்கியமான உணவு ராகி களி. ராகி களி செய்வது குறித்து இந்த வீடியோவில் விளக்குகின்றனர். வீடியோ நன்றி; ungal thambi

கெளுத்தி மீனை உயிரோடு பிடித்து குழம்பு வைத்து சாப்பிட்டால்.... ஆஹா.. என்ன சுவை

மீன் உணவுகள் அதன் வாழ்விடத்துக்கு ஏற்ப சுவை மாறுபட்டவை. கடல் மீன், ஏரி மீன், குளத்து மீன், ஆற்று மீன், கிணற்று மீன், அணை மீன் என்று நீர்நிலைகளின் வகைகளுக்கு ஏற்ப அவற்றில் வளர்க்கப்படும் மீனின் சுவையும் மாறுபடும். ஒவ்வொன்றும் தனித்தனி சுவைகளில் இருக்கும். குறிப்பாக கெளுத்தி மீனை உயிரோடு குளத்தில் இருந்து பிடித்து வந்து குழம்பு வைத்து சாப்பிட்டால் அதன் சுவையே அலாதிதான். அதை சாப்பிட்டவர்களுக்கு ஐஸ்பெட்டியில் வைத்து சில நாட்கள் கழித்து விற்பனைக்கு வரும் கடல் மீன்கள் சுத்தமாக பிடிக்காது. இங்கே கெளுத்தி மீன் சமைக்கும் விதம் குறித்து வீடியோவில் விளக்கப்படுகிறது. வீடியோ நன்றி; My Country Foods

திருவாதிரை களி எப்படி செய்வது என்று தெரியுமா?

எந்த மதமாக இருந்தபோதிலும், மத த்தின் வழிபாடுகளுடன் உணவும் இணைந்தே இருக்கின்றது. ஆருத்ரா தரிசனம் எனப்படும் சிவன் கோவில்களில் நடைபெறும் வைபவம் ஒவ்வொரு ஆண்டின் தொடக்கத்தில் நடைபெறுவது வழக்கம். குறிப்பாக சிதம்பரம் நடராஜர் கோவிலில் திருவாதிரையன்று ஆருத்ரா தரிசன உற்சவம் வெகு சிறப்பாக நடைபெறும். ஆருத்ரா தரிசனத்தன்று வீடுகளில் களி செய்து அதனை சுவாமிக்குப் படைத்து உண்பர். இந்த களியை செய்வது எப்படி என்று தெரிந்து கொள்ளுங்கள். வீடியோ நன்றி; Selak's Yummy Recipes

வெஜ் புலவ் எப்படி செய்வது என்றுதெரியுமா?

வீட்டில் தினமும் அரிசி சாதம், இட்லி, தோசை என்று ஒரே மாதிரியான உணவு சாப்பிட்டு பழகியவர்களுக்கு திடீரென ஏதேனும் வித்தியாசமாக சாப்பிடத்தோணும் அப்போது ஹோட்டலுக்குப் போகலாம் என்று அவர்கள் நினைப்பார்கள். ஹோட்டல் மெனுவில் வீட்டில் சாப்பிடாத ஐட்டங்களைத் தேடுவார்கள். புலவ் உள்ளிட்ட ஹோட்டல் உணவுகளை சாப்பிடவும் விரும்புவார்கள். சுவையான வெஜிடபிள் புலவ் வீட்டிலேயே செய்து சாப்பிடலாம். எப்படி என்று இந்த வீடியோவை பார்த்து தெரிந்து கொள்ளுங்கள். வீடியோ நன்றி; Erode Ammachi Samayal

புரோட்டா வீட்டிலேயே மிருதுவா செய்யலாம்...

புரோட்டோ நமது பாரம்பர்ய தமிழ் உணவு இல்லை. எனினும், இன்றைக்கு தமிழ்நாட்டின் மூலை முடுக்குகளில் எல்லாம் விதம்விதமானபுரோட்டாக்கள் விற்பனை ஆகின்றன. அவற்றில் நல்லவை வயிற்றை நிரப்புகின்றன. புரோட்டாவை வீட்டிலேயே கோதுமை மாவில் மிருதுவாக செய்யலாம். எப்படி செய்வது என்பது குறித்து இந்த வீடியோவில் விளக்கப்படுகிறது. வீடியோ நன்றி; Ragas kitchen