சிறுநீரக ஆரோக்கியத்துக்கு ஏற்ற உணவுகள் என்னென்ன தெரியுமா?

நமது உடலில் உள்ள சிறுநீரகம் ரத்தத்தில் உள்ள கழிவுகளை வடிகட்டும் திறனை இழக்கும்போது சிறுநீரக நோய்கள் ஏற்படுகின்றன. கடந்த பத்தாண்டுகளில் நாள்பட்ட சிறுநீரகக் கோளாறுகளால் பாதிக்கப்படும் இந்தியர்களின் எண்ணிக்கை இரட்டிப்பாகியுள்ளது.

வயது வந்தோரில் சுமார் 8 முதல் 10 சதவிகிதம் பேர் சில அல்லது வேறு வகையான சிறுநீரக நோய்களால் பாதிக்கப்படுகின்றனர். மருத்துவ ஆராய்ச்சியில் ஏற்பட்டுள்ள முன்னேற்றங்கள், இத்தகைய நாட்பட்ட நோய்கள் முற்றுவதை தடுக்கும் சாத்தியத்தை ஏற்படுத்துகின்றன. 

Must Read: அம்மா உணவகங்கள் தற்போதைய நிலவரம்...

நீரிழிவு மற்றும் உயர் இரத்த அழுத்தம் ஆகியவை சிறுநீரக நோய்க்கான மிகவும் பொதுவான ஆபத்து காரணிகள். இருப்பினும், உடல் பருமன், புகைபிடித்தல், மரபியல், பாலினம் மற்றும் வயது ஆகியவையும் ஆபத்தை அதிகரிக்கலாம். எனவே சிறுநீரக நோயால் பாதிக்கப்பட்டவர்கள் சிறப்பு உணவு மற்றும் ஆரோக்கியமான வாழ்க்கை முறையை பின்பற்றுவது அவசியம்.சிறுநீரக நோயாளிகளின் உணவில் சேர்க்க வேண்டிய உணவுகள் என்னென்ன என்பதை பார்க்கலாம். 

முட்டைக்கோஸ்

முட்டைக்கோஸில் வைட்டமின்கள், தாதுக்கள் மற்றும் சக்திவாய்ந்த தாவர கலவைகள் உள்ளன. வைட்டமின் கே, வைட்டமின் சி மற்றும் பல பி வைட்டமின்கள் முட்டைக்கோஸில் காணப்படுகின்றன. முட்டைக்கோஸில் கரையாத நார்ச்சத்து உள்ளது, 

​இது செரிமான அமைப்பை ஆரோக்கியமாக வைத்திருக்கிறது, இதனால் வழக்கமான குடல் இயக்கங்களை ஊக்குவிக்கிறது . முட்டைக்கோஸில் பொட்டாசியம், பாஸ்பரஸ் மற்றும் சோடியம் குறைவாக இருப்பதால் சிறுநீரக பிரச்சனையால் பாதிக்கப்பட்ட நோயாளிகள் தங்களது ஆரோக்கியத்தை கருத்தில் கொண்டு முட்டைகோஸை உண்கலாம். 

காலிபிளவர்

வைட்டமின் சி, வைட்டமின் கே மற்றும் பி வைட்டமின் ஃபோலேட் ஆகிய பல ஊட்டச்சத்துக்களின் தொகுப்பாக காலிஃபிளவர் உள்ளது.  உங்கள் உடலில் உள்ள நச்சுக்களை வெளியேற்ற உதவுகிறது. இந்த காய்கறியை பச்சையாக உட்கொள்ளலாம், வேகவைக்கலாம் அல்லது சூப் தயாரித்து குடிக்கலாம். . ஒரு கப் வேகவைத்த காலிஃபிளவரில் 19 mg சோடியம், 176 mg பொட்டாசியம் மற்றும் 40 mg பாஸ்பரஸ் உள்ளது.

பூண்டு

சிறுநீரக பிரச்சனை உள்ளவர்கள், உணவில் குறைந்த அளவு சோடியத்தைப் பயன்படுத்த அறிவுறுத்தப்படுகிறார்கள்.  மாங்கனீஸ், வைட்டமின் சி மற்றும் வைட்டமின் பி6 ஆகிய சத்துகள் பூண்டில் உள்ளன. இது உப்புக்கு ஒரு சுவையான மாற்றாகும், இது உணவுகளுக்கு சுவையை சேர்க்கிறது மற்றும் மிகவும் சத்தானது. 9 கிராம் பூண்டில் 1.5 mg சோடியம், 36 mg பொட்டாசியம் மற்றும் 14 mg பாஸ்பரஸ் உள்ளது.

சிவப்பு திராட்சை

இனிப்பான திராட்சை பழத்தில் வைட்டமின் சி மற்றும் ஃபிளாவனாய்டுகள் எனப்படும் ஆக்ஸிஜனேற்றங்கள் உள்ளன, அவை உடல் வீக்கத்தைக் குறைக்க உதவுகின்றன. 

Must Read: ஆதி குடிகளின் நஞ்சில்லா ஏலக்காய் விவசாயம்…

அவை ஏராளமான ஊட்டச்சத்துக்களைக் கொண்டிருக்கின்றன. 75 கிராமில் 1.5 மி.கி சோடியம், 144 மி.கி பொட்டாசியம் மற்றும் 15 மி.கி பாஸ்பரஸ் உள்ளது. திராட்சையை சிற்றுண்டியாக சாப்பிடலாம். பழங்கள் அல்லது சிக்கன் சாலட்டில் சேர்க்கவும் அல்லது திராட்சையை சாறாகவும் குடிக்கலாம்.

முட்டை வெள்ளைக்கரு

முட்டையின் வெள்ளைக்கரு உயர் தரமான, சிறுநீரகத்திற்கு உகந்த புரதத்தை வழங்குகிறது. டயாலிசிஸ் சிகிச்சைக்கு  உட்படுத்தப்படுபவர்களுக்கு இது ஒரு நல்ல ஆரோக்கியமான உணவாகும்.  அவர்களுக்கு நல்ல புரதங்கள் தேவைப்படும்  66 கிராம் முட்டையின் வெள்ளைக்கருவில் 110 mg சோடியம், 108 mg பொட்டாசியம் மற்றும் 10 mg பாஸ்பரஸ் உள்ளது. ஆம்லெட் அல்லது சாண்ட்விச் செய்யும்போது முட்டையின் வெள்ளைக்கருவைப் பயன்படுத்துங்கள்.

-ரமணி

#FoodForKidneyHealth  #KidneyHelathFoods #KidneyCureFoods  #FoodsDietForKideyHealth