உடல்நலத்துக்கு பேரழிவைத் தரும் துரிதமான, பதப்படுத்தப்பட்ட உணவுகள் வேண்டாம்…

துரித உணவு, பதப்படுத்தப்பட்ட உணவுகள் மற்றும் பானங்களின் சுவை, அமைப்பு, தோற்றம் போன்ற குணாதிசயங்களின் அடிப்படையில் இந்த தயாரிப்புகளுக்கு வாடிக்கையாளர்கள் வரவேற்பு தருகின்றனர். 

உணவுத் தயாரிப்பாளர்களின் தந்திரங்கள்

ஒரு வாடிக்கையாளர் துரித உணவு வகைகளில் எவ்வளவு ஆர்வமாக அல்லது அக்கறையாக இருக்கிறார் என்பதற்கு உணவு தயாரிப்பாளர்கள் மேற்கொள்ளும் தந்திரங்கள் காரணமாக இருக்கின்றன.  துரித உணவு தயாரிப்பாளர்கள் தங்களின் தயாரிப்புகளை வாடிக்கையாளர்களிடம்  ஏற்றுக்கொள்ளக்கூடிய தன்மையை மேம்படுத்துவதற்கு  சில தந்திரங்களைப் பயன்படுத்துகின்றனர், 

Must Read: இதய ஆரோக்கியத்திற்கு ஏற்ற உணவுகளை தெரிந்து கொள்ளுங்கள்…

அவற்றில் சில நீங்கள் எதிர்பார்ப்பதை விட அதிக தீங்கு விளைவிக்கும். , "தரம்" மற்றும் உண்ணும் அனுபவத்தைப் பற்றிய நுகர்வோரின் உணர்வை பாதிப்பதில் உணவின் அமைப்பு குறிப்பிடத்தக்க பங்கு வகிக்கிறது. வாடிக்கையாளர்கள் ஒரு உணவை  ஏற்றுக்கொள்ளக்கூடிய தன்மையை நிர்ணயிப்பதில் சுவை, நயம், நீண்டநாட்களுக்கு கெடாமல் இருக்கும் போன்ற அம்சங்கள் முக்கிய பங்கு வகிக்கின்றன. உணவின் சுவை, நயம், கெட்டுப்போகாமல் இருப்பதற்கு  செயற்கை பொருட்கள்  பயன்படுத்தப்படுகின்றன 

சுவை மேம்படுத்திகள்

சுவை ஊட்டிகள் என்பவை,  உணவின் உணரப்பட்ட சுவை அல்லது வாசனையின் தீவிரத்தை மாற்றியமைக்கும் அல்லது உணவில் இயல்பாக இருக்கும் சுவையை அதிகரிக்கும் பண்புகளைக் கொண்டுள்ளது. 

மோனோசோடியம் குளுட்டமேட் (MSG), செயற்கை இனிப்புகள் ( உயர் பிரக்டோஸ் கார்ன் சிரப்), மற்றும் சோடியம் குளோரைடு (உப்பு) ஆகியவை பொதுவாகப் பயன்படுத்தப்படும் சுவையை மேம்படுத்தும் பொருட்களாகும். 

சில உணவுப் பொருட்களில் இயல்பாக உள்ள கசப்பை  நடுநிலையாக்குவதன் மூலம் சுவையை மேம்படுத்துகின்றன. 

உணவின் அமைப்பை மேம்படுத்துபவை 

உணவு அமைப்பு அதாவது தோற்றமானது  நுகர்வோரின் அல்லது வாடிக்கையாளர் பார்வையில் குறிப்பிடத்தக்க தாக்கத்தை ஏற்படுத்துகிறது, நாம் உணவை மெல்லும் போது, ​​மூளையானது உணவின் அமைப்பில் ஏற்படும் மாற்றங்கள் பற்றிய தகவல்களை செவித்திறன் மூலமாகவும், வாயில் இருக்கும் சென்சார்கள் மூலமாகவும், உணவை உண்ணும்போது நினைவகத்திலிருந்தும் பெறுகிறது.

பாலியோல்கள், ஒலிகோசாக்கரைடுகள், மாவுச்சத்து, ஈறுகள், பாலிடெக்ஸ்ட்ரோஸ்,மால்டோடெக்ஸ்ட்ரின்கள் முதலிய உட்பொருட்கள் உணவு மேம்படுத்த பயன்படுத்தப்படுகின்றன. 

Must Read: நீர் சத்து குறைபாடு; ஐந்து எச்சரிக்கைகளை கவனத்தில் கொள்ளவும்…

சுவையூட்டப்பட்ட தயிர் அல்லது பழச்சாறுகள் போன்ற உணவின் வாசனை மற்றும் சுவை இரண்டையும் மேம்படுத்துவதற்காக சுவைகள் பயன்படுத்தப்படுகின்றன. செயற்கை நிறங்கள் அல்லது சாயங்கள்  துரித உணவு,  பழச் சுவையுள்ள பானங்கள், மிட்டாய்கள், ஐஸ்கிரீம்கள், பானங்களில் பயன்படுத்தப்படுகின்றன. 

கெட்டுப்போகாமல் இருக்க…

இயற்கையில் விளையும்  உணவுகள் குறுகிய காலத்தில் கெட்டுப்போய்விடும். அதுதான் அவற்றின் இயல்பு. மாறாக, துரித உணவுகள், பதப்படுத்தப்பட்ட உணவுகள் நீண்டகாலம் கெட்டுப்போகாமல் இருக்கின்றன.  கெட்டுப்போகாமல் இருக்க  செயற்கையான உணவுப் பாதுகாப்பு முறைகள் சேர்க்கப்படுகின்றன. அவை உணவுப்பொருட்களின் ஆயுட்காலத்தை நீடிக்கின்றன. 

பல்வேறு பழங்களைப் பாதுகாக்க  சல்பைட்டுகள் பயன்படுத்தப்படுகின்றன. இறைச்சி பொருட்களை பதப்படுத்த நைட்ரேட்டுகள்  பயன்படுத்தப்படுகின்றன

துரித உணவுகள், பதப்படுத்தப்பட்ட உணவுகள்  பல ஆபத்துக்களைக் கொண்டிருக்கின்றன. குடல் ஆரோக்கியம் கெட்டுப்போகும். உணவுப் பொருட்கள் சுவை மற்றும் சுவையை அதிகரிக்கலாம், ஆனால் அதனை சாப்பிடும் நமது உடல் பருமன் ஆகும், வளர்சிதை மாற்றக் கோளாறுகள் நேரிடும்.  

துரித உணவுகளோ, பதப்படுத்தப்பட்ட உணவுகளோ மிதமான அளவில் எடுத்துக்கொள்ளலாம் என்று கூட சொல்ல முடியாது. அவற்றை முற்றிலுமாக விலக்க வேண்டும். துரித உணவுகள் நமக்கு பேரழிவு மட்டுமே தருகின்றன. எனவே நிச்சயமாக நமக்குத் தேவையில்லை. 

-ரமணி 

#FastFood ,#ProcessedFoods,  #AvoidJunkFoods , #AvoidFastFoods, #DontEatProcessedFoods

ஆரோக்கிய சுவை இணையதளத்தை கூகுள் நியூசில் பின் தொடர இங்கே கிளிக் செய்யுங்கள்

டெலிகிராமின் ஆரோக்கிய சுவை இணையதளத்தை பின் தொடர இங்கே கிளிக் செய்யவும்

எங்களைப் பின்தொடர: முகநூல்  , டிவிட்டர், லிங்க்டின், இன்ஸ்டாகிராம், யூடியூப்