ஜனவரி மாதம் நடைபெற உள்ள வேளாண் நிகழ்வுகள்…

தமிழ்நாட்டில் நடைபெறும் இயற்கை வேளாண் பயிற்சிமுகாம்கள், வேளாண் மாநாடுகள், வேளாண் கண்காட்சிகள் தொடர்பான தகவல்கள் ஆரோக்கிய சுவை இணையதளத்தில் அவ்வப்போது வெளியிடப்படுகின்றன. அடுத்த மாதம் நடைபெற உள்ள இரண்டு நிகழ்வுகள் குறித்து இங்கே தகவல்கள் தரப்பட்டுள்ளன. 

நம் வானகம் நடத்தும் மூன்று நாள் இயற்கை வழி விவசாய பயிற்சி 

இந்த நாட்டுல உணவு உற்பத்தி செஞ்சி குவிக்கிற 52 விழுக்காடு மானாவாரி உழவர்கள். நாட்டோட பசியைத் தீர்க்குற அவங்களோட நிலமை ரொம்ப மோசம், மேலும் வறுமையில தற்கொலைக்கு தள்ளப்படுகிற அப்படியான புழுதியிலும் புழுதியாய் இருக்கிற உழவர்கள ஒருபடி மேல உயர்த்தி விடனும்.

Must Read: இன்றைய இயற்கை வேளாண் சந்தை

அதே போல என்னை மாதிரி ஆயிரம் பேரைக் கண்டறிந்து அவங்களுக்குப் பயிற்சி அளித்து நாடு முழுவதும் பரவ விடனும், அது தான் வானகத்த மையமா வச்சி செயல்படுற நம்மாழ்வாரோட நோக்கம். இந்தப் பணியை நானும், எனக்கு அப்புறம் வானகமும் தொடர்ந்து செய்து வரும். இந்த நோக்கத்துல தங்களையும் இணைச்சுக்க விரும்புறவங்க வந்து இணைஞ்சுக்கலாம். #வானகம் எப்போதும் திறந்தே இருக்கும், திறந்த கரங்களோடு அரவணைத்துக்கொள்ளும். 

அந்த வகையில் அடுத்த ஆண்டு ஜனவரி : 6.1.2023 முதல் 8.1.2023 வரை .மூன்று நாட்கள் பயிற்சி நடைபெற உள்ளது. #வானகம் நடத்தும் இப் பயிற்சியில்  ஏன் வேண்டும் இயற்கை வேளாண்மை, மேட்டுப்பாத்தி & வட்டப்பாத்தி அமைத்தல், மரபு விளையாட்டுகள், வீட்டுத்தோட்டம் மாடித்தோட்டம், நிலங்களைதேர்வு செய்தல், காடு வளர்ப்பு உள்ளிட்ட பயிற்சிகள் அளிக்கப்பட உள்ளன. 

மேலும் பண்ணை வலம்/ உயிர்வேலி,ஒருங்கிணைந்த பண்ணையம், இடுபொருள் செய்முறை & களப்பயிற்சி,கால்நடை பராமரிப்பு & தேனீ வளர்ப்பு, பூச்சிகள் மேலாண்மை & களைக்கட்டுபாடு, மழை நீர் அறுவடை  ஆகியவை பயிற்சிகளும் இடம்பெறுகின்றன. 

வானகம் கல்விக் குழுவினர் பயிற்சி வழங்குகின்றனர். வருகிற 6.1.2023 வெள்ளிக்கிழமை காலை 9.00 மணிக்கு தொடங்கி 8.1.2023 ஞாயிறு மாலை 5.00 மணிக்கு பயிற்சி  நிறைவடைகிறது.  “வானகம்” – நம்மாழ்வார் உயிர்சுழல் நடுவம் ,சுருமான்பட்டி, கடவூர்,கரூர் மாவட்டம்.என்ற முகவரியில் பயிற்சி நடைபெற உள்ளது. பயிற்சியில் 45 நபர்களுக்கு மட்டுமே வாய்ப்பு உள்ளது. பயிற்சி நன்கொடை : ரூ 2,300/- வசூலிக்கப்படும். தங்குமிடம் உணவு வழங்கப்படும். நன்கொடை செலுத்த வேண்டிய வங்கி விவரங்கள் 

Nammalvar Ecological Foundation :

A/C No: 137101000008277

IFSC Code : IOBA0001371

Bank Name : Indian Overseas Bank,

Branch Name : Kadavoor Branch, Karur (Dt) , TamilNadu

வங்கியில் செலுத்திய பணம் திருப்பித்தர இயலாது. முன்பதிவு அவசியம். தொலைபேசி வாயிலாக முன்பதிவை உறுதி செய்யவும் .முன்பதிவுக்கு 8668098492, 8668098495, 9445879292 ஆகிய எண்களில் அழைத்து உறுதி செய்யவும். 

Must Read: தண்ணீர் பாட்டில் 20 ரூபாய், ஆனால், இன்பம் உணவகத்தில் வயிறாரா சாப்பிட 10ரூபாய்தான்…

வெளியிலிருந்து கொண்டுவரும் உணவு பொருட்கள் அனுமதிக்கப்படாது,  பாலித்தின் பைகள், சோப்பு, ஷாம்பு, பேஸ்ட், கொசுவர்த்தி போன்ற தீங்கு விளைவிக்கும் இரசாயணங்கள் பயன்படுத்த அனுமதி கிடையாது. அதற்குப் பதிலாக பண்ணையில் கிடைக்கும் இயற்கை பொருள்களை எப்படி பயன்படுத்துவது என்பதுபற்றி கற்றுக் கொடுக்கப்படும்.

பயிற்சியின் இடையே வெளியில் செல்லவோ, வெளியில் தங்கவோ அனுமதியில்லை. களப் பயிற்சிக்கு தேவையான உடை மற்றும் போர்வை, கைவிளக்கு (torch) எடுத்து வரவும்.பயிற்சியின் இறுதியில் பங்கேற்பு சான்றிதழ் வழங்கப்படும். வானகம் குறித்த மேலும் விவரங்களுக்கு https://vanagam.org  https://vanagam.page.link/app

அக்ரி சக்தி நடத்தும் 2 நாட்கள் வேளாண் மாநாடு

விவசாயிகளே ஒன்று கூடுங்கள். கிருஷ்ணகிரியில் ஜனவரி 7 மற்றும் 8 ஆகிய இரண்டு நாட்கள் அக்ரிசக்தி சார்பில் வானும் மண்ணும் சர்வதேச வேளாண் அறிவியல் மாநாடு நடைபெற உள்ளது. 

இதன் ஒரு பகுதியாக கால்நடை சார்ந்த தொழில் முனைவு செய்ய விரும்புபவர்களுக்கும் வழிகாட்டவும், ஆலோசனை நடத்தவும் அக்ரிசக்தியின் வல்லுநர் குழு தயாராக உள்ளது . 

அது மட்டுமல்ல கால்நடை வளர்ப்பு, தேனி வளர்ப்பு என பலதரப்பட்ட கேள்விகளுக்கு உங்களுக்கு ஆலோசனை வழங்க நா ங்கள் தயாராக உள்ளோம். மருத்துவர் பழனி உங்களின் கேள்விகளுக்கு விடை கொடுக்க தயாராக இருக்கிறார். எனவே கிருஷ்ணகிரியில் ஒன்று கூடுங்கள் மேலும் விபரங்களுக்கு https://agrisakthi.com இணையதளத்தை பார்க்கவும். அல்லது மாநாட்டு ஒருங்கிணைப்பாளர் பிரவின்குமாரை 97903 88452 என்ற மொபைல் எண்ணில் அழைக்கலாம். 

#OrganicAgricultureTraining #AgricultureConferece #AgricultureExhibition #AgricultureEvents