நெல்லை சந்திரவிலாஸ் உணவகத்தில் தொடரும் அதே பாரம்பர்ய சுவை….

திருநெல்வேலி ஜங்ஷன் சாலைகுமரன் கோவிலருகே  உள்ள சந்திரவிலாஸ் ஓட்டலில் அண்மையில் சாப்பிடச் சென்றிருந்தோம். உள்ளே நுழைந்தவுடனையே , பழங்காலத்து மேஜை -பழங்காலத்து இருக்கைகள்- கை கழுவும் இடம்-  பழங்காலத்து சர்வர்கள் - என்று 80 ஆண்டுகளின் பழமை மாறாமல் அப்படியே வைத்திருப்பதை காணமுடிந்தது. 

பரிமாறுவதற்கு தட்டுக்கள் கிடையாது வாழை இலைதான். மாறாமல் இருப்பது  இருக்கைகளும் சுவர்களும்  மட்டுமல்ல இட்லிகளும் அதன் சுவையும்தான்.  அப்படியே  80 வருடத்திற்கு பின்னோக்கிய திருநெல்வேலி மணத்துடனே இருக்கின்றது.

Must Read: சென்னை, கோவையில் நடைபெற்ற 2 வேளாண் நிகழ்வுகளின் பதிவு…

நாங்கள் 5 பேர் சப்பாத்தி -ரொட்டி - இட்லி- ஆனியன் ஊத்தப்பம் -தோசை - காபி என்று சாப்பிட்டுவிட்டு பில் கேட்க , இன்னமும் அந்த காலத்து பாணியிலேயே ஒரு சின்ன துண்டு பேப்பரில் ரூ.280 என்று எழுதிக் கொடுத்தனர்.  பெரிய ஹோட்டல்களில் சாப்பிட்டால்,  ஒரு ஆளுக்கே ரூ.200 வரும். ஆனால் 5 பேர் சாப்பிட்டு முடித்தும் கூட ரூ.280 தான்.

அந்த காபியை பற்றி சொல்லியே ஆகணும். நாக்கிலேயே சுவை ஒட்டியிருக்குதுன்னு சொல்வோமே அந்த சுவையை அன்றுதான் அனுபவித்தேன். அன்றைக்கு இரவு சாப்பிட்ட காபி மறுநாளும் நாக்கிலேயே நின்றது. 

​தாமிரபரணி தண்ணி மணத்துடனும், சுவையுடனும், சாம்பாரும் மிளகாய்ச் சட்னியும், குருமாவும் ,  அப்படியே திருநெல்வேலி தாமிரபரணி தண்ணி சுவை, திருநெல்வேலி அல்வாவில் இருப்பது போலவே. 

முன்பெல்லாம் திருநெல்வேலி ஜங்ஷனுக்கு வியாபாரத்திற்கும் , பொருட்கள் வாங்குவதற்கும், வந்து விட்டு சினிமா பார்த்துவிட்டு ,  சந்திரவிலாஸ் ஓட்டலில் சாப்பிட்டுவிட்டு செல்வதைத்தான் வழக்கமாக வைத்துள்ளார்கள் நம் தாத்தா காலத்து ஆட்கள். 

Must Read: ஆன்லைன் ஆர்டர் செய்து சாப்பிடும் முறையை தவிர்க்க முயலுங்கள்; எழுத்தாளர் ராஜேஷ்குமாரின் அறிவுறுத்தல்

இந்தப் பதிவை படிக்கின்ற பழங்காலத்து ஆட்களுக்கு , இதனுடைய வரலாறும் சுவாரசியங்களும் நினைவிலாடலாம்.  ஓட்டல் முதலாளி உ.வே.சா வழித்தோன்றல் சாமிநாத அய்யர்! தமிழ்த்தாத்தா, உ.வே.சா., பிறந்த அதே நாள், நட்சத்திரம் மற்றும் கிழமையில் பிறந்தவர்.

சுதந்திரம் வாங்குவதற்கு முன்பாக ஆரம்பித்த இந்த ஓட்டல் , அந்த பழமையுடனே இன்னமும் இருக்கின்றது. இன்றைய இளய தலைமுறைகள், பழங்காலத்து திருநெல்வேலி சமையலையும் சுவையையும் அனுபவிக்க நினைத்தால் நிச்சயாய் இந்த ஓட்டலுக்கு ஒரு முறை சென்று வாருங்கள்.

Nellai Life

#food #tirunelveli #hotel #chandiravilas #நிகழ்வுகள்