தன்னம்பிக்கையுடன் டெலிவரி செய்யும் ஒரு கை இல்லாத ஸ்விக்கி ஊழியர்

ஸ்விக்கி டெலிவரி ஊழியரான பிரமோத் சிங், பெங்களூரின் பரபரப்பான தெருக்களில் தனது யூலு பைக்கில் பயணித்து, பசியால் வாடும் எண்ணற்ற வாடிக்கையாளர்களுக்கு உணவை விநியோகிக்கிறார். 

12 மணி நேர ஷிப்டில் , 22 வயதான அவர் 20-30 கிமீ சவாரி செய்து ஒரு நாளைக்கு குறைந்தது 10 வாடிக்கையாளர்களுக்கு உணவு விநியோகம்  செய்கிறார். அவரது இடது கை விபத்தில் துண்டிக்கப்பட்ட நிலையில் பெரும் சிரமத்துக்கு இடையே ஒரே ஒரு கையிலான் பெங்களூரின் நெரிசல் மிகுந்த சாலைகளில் வாகனத்தை ஓட்டிச் சென்று எப்பொழுதும் ஒரு பிரகாசமான புன்னகையுடன்,வாடிக்கையாளர்களிடம் பழகுகிறார். 

உத்தரப்பிரதேசத்தைச் சேர்ந்த பிரமோத், வாடிக்கையாளர்களிடம் அன்பான சேவை செய்ததற்காக ஐந்து நட்சத்திர மதிப்பீட்டைப் பெற்றுள்ளார் - இது அவரது ஈடு இணையற்ற அர்ப்பணிப்பு மற்றும் சேவைத் திறமைக்கு ஒரு சான்றாகும். ஸ்விக்கி வேலை வெறும் வருமான ஆதாரம் அல்ல, ஆனால் அது தான் அவர் போற்றும் உயிர்நாடி என்று அவர் நம்புகிறார். 

Must Read: தமிழர்களின் மிளகு ரசத்தில் இருந்து உருமாறிய முல்லிகாடாவ்னி சூப் பற்றி தெரியுமா?

"ஒவ்வொரு நாளும், எனக்கு உதவ தயாராக உள்ளவர்களை நான் சந்திக்கிறேன். அடுத்த நாள் விழித்திருந்து தொடர்ந்து வேலை செய்ய வேண்டும் என்ற நம்பிக்கையை இது எனக்குள் நிரப்புகிறது," என்று அவர் கூறுகிறார், அவருக்கு ஏன் டெலிவரி செய்வது என்பது உணவு வழங்குவது மட்டுமல்ல, அனைவருக்கும் உத்வேகத்தை வழங்குவதும் ஆகும்.

பிரமோதிற்கு ஊனம் ஒரு தடையல்ல. இது ஒரு வேகத்தடை மட்டுமே, தனது இரண்டு வயதில் அரிசி சுத்தம் செய்யும் இயந்திரத்தில் தனது இடது கையை இழந்தார். பிரமோத்துக்கு பள்ளிப்படிப்பு கடினமாக இருந்தது. 

"அதிர்ஷ்டவசமாக, நான் என் இடது கையை இழந்தேன், வலது கையை அல்ல. வலது கையாக இருந்திருந்தால் என்னால் படிக்க முடியாது. படிக்கும்போதே உயிர் நண்பன் உதவியால், பெங்களூரு வந்து ஸ்விக்கியில் வேலை கிடைத்தது. அவர் இல்லையென்றால், நான் வேலையில்லாமல் இருந்திருப்பேன்,” என்கிறார் பிரமோத்.

10 ஆம் வகுப்பு தேர்வுகளை முடித்த பிரமோத், உயர் படிப்பில் தனது கவனத்தைச் செலுத்தினார். இருப்பினும், நிதி நெருக்கடி அவருக்கு தடையாக இருந்ததால், அவர் பெங்களூரு வந்தார்.

ஒரு கையால் பெங்களூரு சாலைகளில் வண்டியை ஓட்டுவது சவாலாக இருந்தது, ஆனால் பிரமோத்தின் நம்பிக்கை அசைக்கப்படவில்லை. அவர் ஸ்விக்கியில் சேர்ந்து, வாடகைக்கு எடுக்கப்பட்ட Yulu பைக்கில் தினந்தோறும் சவால்களை சந்தித்து உணவு டெலிவரி செய்கிறார். 

Must Read: தமிழக உணவுகளின் நிரந்தர சூப்பர்ஸ்டார் இட்லி என்பது தெரியுமா? 

பெங்களூரின் தெருக்களில் பிரமோத் அச்சமற்ற மனப்பான்மையுடன் சவால்களை வெல்கிறார். "ஒவ்வொரு நாளும் புதிய தடைகளைக் கொண்டுவருகிறது," என்று அவர் கூறுகிறார். "பருவமழையின்போது நான் கூடுதல் எச்சரிக்கையாக இருக்கிறேன். நேரம் முக்கியமானது. ருசியான ஆர்டர்களை உடனடியாக வழங்கும்போது அதனை உரிய நேரத்துக்குள் வாடிக்கையாளர்களிடம் கொண்டு சேர்க்க வேண்டும், ”என்று அவர் மேலும் கூறுகிறார்.

பிரமோத் ஒருமுறை சந்தித்த ஒரு வாடிக்கையாளரின் கதையைச் சொல்கிறார். “நான் டெலிவரி செய்ய  10 நிமிடங்கள் தாமதமாக சென்றேன். ஆனாலும் அவர் என்னை கடிந்து கொள்ளவில்லை. அன்பாக இருந்தார். அவர் எனக்கு டிப் செய்து தனது எண்ணையும் பகிர்ந்து கொண்டார்,” என்றார். 

#swiggyfooddelivery #swiggydeliverypartner #fooddelivery

விளம்பர இணைப்பு; ஆரோக்கிய சுவை அங்காடியில் இயற்கை வேளாண்மை பொருட்கள் வாங்கலாம்

ஆரோக்கிய சுவை இணையதளத்தை கூகுள் நியூசில் பின் தொடர இங்கே கிளிக் செய்யுங்கள்

டெலிகிராமின் ஆரோக்கிய சுவை இணையதளத்தை பின் தொடர இங்கே கிளிக் செய்யவும்

எங்களைப் பின்தொடர: முகநூல், டிவிட்டர், லிங்க்டின், இன்ஸ்டாகிராம், யூடியூப்